和小編一樣煲過韓國歷史劇的你都可能留意到，朝鮮王朝（1392-1897）已婚女角的髮型主要分了兩大類：第一是又高又大的盤髻（如《大長今》），第二是盤在頸後再加支長簪的髮髻（如《雲畫的月光》）。
小編就諗，究竟劇組決定使用哪種髮型的準則是甚麼呢？有錢就用華麗高髻？還是造型師決定一切？這個時候，當然就要翻翻書、請教Google大神啦！
原來，那種華麗高髻叫「加髢」（讀「替」），意思是加上假髮，是朝鮮前、中期婦女流行的髮型，加髢愈大，亦代表財富愈多、地位愈高。因此有能力的婦女們樂於把加髢有咁大時整咁大，還會加上各種飾物作點綴，並且漸漸形成了奢靡之風。
常言道「女為悅己者容」，愛靚唔愛命的女子更多不勝數。假髮也是有一定重量的，再加上金雕玉琢的頭飾，美女貴婦們頭頂上的重量可想而知，甚至有指曾經有婦女因為假髮過重導致頸椎折斷而死！！媽呀，想想都覺得痛！！！
後來，朝鮮第二十一代國王英祖李昑（1694-1776）有見及此，逐步下令禁止貴族婦女使用加髢，並提倡「我要真頭髮」，認為真髮比假髮更為美麗，宮中命婦亦隨之改成盤在頸後的髮型，再加上長髮簪（就是《擁抱太陽的月亮》中李暄送給煙雨的那種靚靚髮簪）。不過在正式場合，仍然可以見到加髢的蹤影。
圖片來源：風行網、KBS、韓星網、國立古宮博物館（국립고궁박물관）
Comentarios